Vendimi: Drejtuesit e institucioneve publike shëndetësore e kanë të ndaluar të kenë klinika private!
E Enjte 1 Gusht 2024, 11:11
Dritare.net
Ministrja e Shëndetësisë, Albana Koçiu ka treguar ndryshimet e miratuara sot nga Qeveria, për urdhrin e Mjekëve.
Koçi u shpreh se mjekëve do t’i lejohet të jenë të punësuar në privat dhe shtet, por jo të kenë klinikat e tyre.
“Ndryshimet që kemi propozuar në ligjin dhe që u miratuan sot me vendimin më të fundit të qeverisë, në ligjin për urdhrin e mjekëve, kryesisht konsistojnë në bërjen publike dhe transparente të gjithë informacionit për profesionistët e shëndetësisë që punojnë në strukturat publike sa i përket angazhimeve të tyre dhe private. Ndryshimi tjetër i rëndësishëm është edhe miratimi i një regjistri elektronik publik që do të garantojë akoma më shumë transparencë për këdo profesionist të shëndetësisë që punon në strukturat e publike, lidhur me punësimin e tij edhe privatisht.
Kemi vendosur edhe një tavan të orëve të punëve për të cilat një mjek që punon në sektorin publik mund të angazhohet dhe të punojë privatisht.
Kemi bërë të qarta dhe procedurat për masat disiplinore dhe strukturat përkatëse që do të tregojnë veprimtarinë e tyre.
Është parashikuar në ndryshimet ligjore që miratuam sot, Ka edhe një rregullim të kësaj pike dhe ka të bëjë me faktin që drejtuesit e institucioneve publike shëndetësore e kanë të ndaluar të kenë dhe klinika private dhe ti drejtojnë klinikat private duke qenë titullarë njëkohësit dhe në strukturat spitalore shëndetësore shtetërore dhe strukturat e tyre private”, tha Koçiu./M.K-dritare.net
