Trafikonte heroinë nga Irani në Evropë! Kreu i organizatës arrestohet në Rinas!
E Premte 29 Nëntor 2024, 15:03
Dritare.net
Një operacion ndërkombëtar i mbështetur nga Europol ka çuar në arrestimin e kreut të një rrjeti kriminal të trafikut të heroinës që shtrihej nga Irani në Evropën Perëndimore.
57-vjeçari turk, Nihat Ozbek me banim në Holandë u arrestua në aeroportin e Rinasit teksa po hynte në Shqipëri. Hetimi u drejtua nga autoritetet gjermane me mbështetjen e Holandës dhe Europol. Pronat rezidenciale të lidhura me të dyshuarin dhe të dashurën e tij u kontrolluan në Roterdam, Holandë. Gjatë këtij operacioni u sekuestruan 703 kilogramëve heroinë në Gjermani. Heroina ishte fshehur në një ngarkesë me kontejnerë sapuni me origjinë nga Irani.
I dyshuari pritet të ekstradohet në Gjermani./M.K-dritare.net
