Topalli prezanton kandidatët për qarkun e Tiranës: Mjaft më me riciklim, kjo është lista më e mirë e tri dekadave!
E Martë 23 Shkurt 2021, 11:11
Dritare.net
“Lëvizja për Ndryshim” ka zbuluar ditën e sotme kandidatët për deputetë për qarkun e Tiranës. Ish-kryeparlamentarja Jozefina Topalli ka prezantuar skuadrën për kryeqytetin, të cilët do të garojnë për zgjedhjet e 25 prillit.
“Kam kënaqësi që kam në këtë listë të parë, përfaqësues nga të gjitha fushat dhe të gjitha moshat. Ndryshimi nuk vjen nëse presim për një kohë tjetër, ndryshimi që kërkojmë të ndjekim jemi vetë ne. Thonë që koha i ndryshon vetë gjërat, por duhet të jemi ne vetë ta bëjmë atë. Të bëjmë atë që kemi në dorë, në vend që të ankohemi për atë që nuk mundemi. "Lëvizja për Ndryshim" synon të kthehet në shpresë, jemi kundër korrupsionit të instaluar në çdo qelizë të shtetit nga tre kryetarët e tre partive. Mesazhi nga Kosova apo Italia është mënyra se si bëhet politikë në botë. Boll më me riciklim të personave që kanë provuar çdo post në të kaluarën. Përtej Ramës, Bashës e Metës ka 3 milionë shqiptarë të tjerë patriotë, jo si këta që na kanë marrë peng. Ata të tre janë përgjegjësit që në Shqipëri s’ka shpresë dhe një të djathtë reale. Përgjegjësit e polarizimit politik dhe ekonomik të Shqipërisë. Ftesa jonë nuk është për ato që nuk ndryshojnë mendje, por ftojmë mendje hapurit, të ndershmit, çdo të ri, prind që duan t’i kthejnë dinjitetin çdo shqiptari. Kjo është lista më e mirë e tre dekadave me profesionistë të nderuar, mjekë e të rinj të shkëlqyer. Janë të pakorruptuar, dinjitozë, njerëz me kurajo”, tha Topalli.
Kandidatët për qarkun e Tiranës:
Elida Hoxha, pedagoge
Robert Çitozi, profesor
Lorenc Radovani, pedagog
Meri Krisaq Lalai, pedagoge/redaktore
Stela Jakova, menaxhim biznesi
Aben Basho, pedagog/botues
Lek Negri, pedagog
Franceska Memia
Jonuz Osman Agaj
Polikron Polluçi, mjek
Daniela Kavaja/M.M-dritare.ne
