Të hënën rinis shkolla për maturantët, Besa Shahini: Ja rregullat që duhet të ndjekin!
E Martë 12 Maj 2020, 20:08
Dritare.net
Më 18 maj (e hënë) maturantët do të rikthehen në shkolla për të marrë leksione për provimet e maturës.
Ministrja e Arsimit, Besa Shahini, përmes një postimi në Facebook, ka publikuar rregullat që duhen ndjekur nga nxënësit dhe mësuesit në shkolla, për të mbrojtur shëndetin e tyre dhe për të shmangur përhapjen e koronavirusit.
“Ulja në klasat tuaja është organizuar në një distancë të tillë mes njëri-tjetrit. Nëse keni nevojë të përdorni dezinfektues gjatë qëndrimit në shkollë, keni në bankat e shkollës nga një dezinfektues që mund të përdoret gjatë ditës. Para tualeteve të shkollës janë vendosur postera me hapat që duhet të ndiqen për një larje të thellë dhe të mirë të duarve”, tha në video-mesazhin e saj Shahini./E.B-dritare.net
