Të gjithë mbijetuan por përjetuan tmerr gjatë rrëzimit të avionit në Toronto!
E Martë 18 Shkurt 2025, 10:10
Dritare.net
Një avion në Toronto u rrëzua gjatë uljes. 80 personat në bord shpëtuan. Avioni i Delta Air Lines rrëshqiti gjatë uljes, ndërsa një krah i avionit u përfshi nga flakët. Të mbijetuarit thanë se ishin varur me kokë poshtë gjatë rrëzimit pasi avioni u përmbys.
Tetëmbëdhjetë persona u plagosën, por vetëm një numër i vogël mendohet se janë plagosur rëndë ndërsa hetuesit po hulumtojnë se çfarë e shkaktoi përplasjen.
Në bordin e avionit 16-vjeçar CRJ900, të prodhuar nga kompania kanadeze Bombardier, kishte 76 pasagjerë dhe katër anëtarë të ekuipazhit.
Aeroporti Pearson i Torontos, kishte pasur probleme kohët e fundit për shkak të motit të ftohtë, me reshje dëbore dhe temperature të ulëta./L.F-dritare.net
