Sylvinho: Ndihem shqiptar në shpirt, nuk më duhen letrat
E Diel 19 Nëntor 2023, 18:06
Dritare.net
Trajneri i Kombëtares, Sylvinho dhe mesfushori Keidi Bare kanë dalë në një konferencë para ndeshjes me Ishujt Farore në ditën e nesërme në Air Albania. Sylvinho tha se kanë synim që të qëndrojnë në krye të grupit E.
Nuk ka mbaruar asgjë, kjo është vetëm fillimi për ne. Duhet të ndalojmë këtu ku jemi, e kemi kaluar fazën e kulaifikimit, duhet të mendojmë për më lart. Na pret një ndeshje e rëndësishme të hënën, duam të qëndrojmë në krye të grupit dhe në një të ardhme ti bëjmë gjërat kaq mirë sa i bëmë tani", tha Bare.
"Vijmë në këtë sfidë në kushte shumë të mira. Dua të falënderoj shqiptarët dhe tifozët që na kanë mbështetur dhe kemi arritur këtu. Arritëm kualifikimin, festuam me tifozët dhe u kthyem këtu se kemi menduar vetëm për ndeshjen me ishujt farore, është ekip i vështirë. Objektivi ynë i dytë është të arrimë vendin e parë në grup se do ishte shumë bukur që të kishim mundësi që në short të kishim një mundësi tjetër. Duhet të bëjmë një paraqitje sa më të mirë dhe ta mbyllim me fitore", tha Sylvinho.
De Biazi e mori nënshtetësinë shqiptare, po ju do ta merrni?
“Unë jam shqiptar, në zemër jam shqiptar. Për mua është një nder të jem trajner i kombëtares, diçka shumë e bukur dhe jam i kënaqur”, u shpreh Sylvinho./L.F-dritare.net
