Srebrenica/ Rama në cilësinë e kreut të OSBE: Rishikimi i keq i historisë mund të çojë në masakra!
E Shtunë 11 Korrik 2020, 17:05
Dritare.net
Kreu i OSBE, njëherësh kryeministri i vendit tonë, Edi Rama ka përkujtuar 25 vjetorin e masakrës së Srebenicës.
Rama deklaroi sot se në kujtimin e këtij krimi mizor, duhet të dalim përtej përkujtimit dhe fjalëve dhe të mësojnë në mënyrë aktive leksionet.
“Shkalla dhe egërsia e këtij gjenocidi është një tragjedi që rëndon sot mbi shpirtin tonë, edhe 25 vite më vonë”, tha Rama duke shtuar:
Unë shpreh respektin ndaj viktimave që u vranë pa mëshirë dhe ofroj ngushëllimet e mia të thella për familjet e atyre që humbën jetën. Rishkrimi me qëllimin e keq i historisë mund të çojë në të njëjtat gabime dhe krime që po bëhen përsëri. Gjyqtarët lokalë dhe ndërkombëtarë kanë dokumentuar atë që ndodhi në Srebrenicë dhe rrethinat e saj në vitin 1995. Kjo nënvizon domosdoshmërinë e dhënies së drejtësisë. Mosndëshkimi nuk është opsion”, tha ai.
“Ne gjithmonë themi se Srebrenica nuk duhet të përsëritet kurrë, por vetëm disa vite më vonë pati një konflikt shkatërrues në Kosovë”, tha Rama.
“Përgjegjësia për krimet u takon atyre që i kanë kryer. Por, shoqëritë janë gjithashtu fajtore nëse ato nuk kujtojnë dhe nuk mësojnë nga leksionet e asaj që ndodhi në Srebrenicë”, përfundoi kreu i OSBE Edi Rama./ I.M-Dritare.net
