Spartak Ngjela: Pas përplasjes absurde në Kuvend qëndron frika e Saliut!
E Hënë 4 Dhjetor 2023, 17:05
Dritare.net
Avokat Spartak Ngjela ka komentuar kaosin e krijuar sot në Kuvend nga deputetët e opozitës. Ai shkruan se ajo përplasje absurde ka në brendësi frikën e Sali Berishës që është nën akuzë penale. Ngjela shkruan më tej se pasuesit e tij që janë me kokrra krijuan trazira në Parlament sepse sot Berisha duhej të paraqitej në SPAK.
Postimi i plotë:
Një shëmtim në Kuvendin e Shqipërisë.
Pse ndodhi sot sërish kjo përplasje absurde?
Sepse brenda saj qëndron frika e Saliut.
Saliu tani është nën akuzë penale.
Dhe kuptohet që është i trembur.
Pasuesit e tij, me kokrra siç janë, krijuan trazira në Parlament. Pse?
Sepse sot Saliu duhej të paraqitej në SPAK, për hetimin e tij.
Por, Saliu gjurulldinë me sens provincial e bëri në Kuvedin e Shqipërisë!
Po SPAK--u do ta lërë shtetin e Shqipërisë nën këtë gjendje provincializmi reaktiv që i pëlqen edhe Beogradit?
Nuk besoj. SPAK është i detyruar ta zgjidhë juridikisht me një vendim gjyqësor.
Por...
Pyetja është kjo:
Kush do të fitojë: SPAK-u, apo Saliu?
Sigurisht që SPAK-u do të fitojë.
Madje SPAK e ka fituar këtë luftë. Prandaj është në shqetësim Saliu.
Prisni dhe shikoni.
Saliun e ka mundur Amerika, dhe madje me prova të plota, por megjithatë duhet të pritet procesi gjyqësor.../dritare.net
