Sot sytë nga qielli, ndodh eklipsi diellor unazor!
E Enjte 10 Qershor 2021, 13:01
Dritare.net
Këtë të enjte do të kemi një shfaqje diellore. Në pjesën më të madhe të hemisferës veriore, do të ndodhë sot eklipsi i diellit. Kjo ngjarje e veçantë quhet eklips unazor. Një eklips diellor unazor ndodh kur Hëna është shumë larg nga Toka për të mbuluar plotësisht diellin, duke rezultuar në një unazë drite rreth hënës së errësuar.
Jo të gjithë do të mund të shijojnë eklipsin diellor. Vendet e mundshme ku eklipsi do të dallohet qartë janë Shtetet e Bashkuara dhe Alaska Veriore, së bashku me pjesën më të madhe të Kanadasë, Grenlandës dhe pjesë të Evropës dhe Azisë.
Këto vende do të shohin rreth 40% të Diellit të eklipsuar./K.C/dritare.net
