Është zyrtare? Katy Perry dhe ish-kryeministri Justin Trudeau puthen në jaht
E Diel 12 Tetor 2025, 14:02
Dritare.net
Pas muajsh spekulimesh dhe thashethemesh, tabloidet britanike kanë publikuar sot fotografi që pretendohet se konfirmojnë lidhjen romantike mes këngëtares Katy Perry dhe ish-kryeministrit kanadez Justin Trudeau.
Fotografitë tregojnë çiftin duke u puthur dhe përqafuar në jahtin 24 metra të Perry-t, “Caravelle”, pranë brigjeve të Santa Barbara, Kaliforni. Në to, Perry duket në kostum banje të zi, ndërsa Trudeau shfaqet pa këmishë.
Kjo zbulon lidhjen që ka nisur që prej korrikut, kur ata u panë së bashku për një darkë në Montreal, por që deri tani nuk ishte komentuar publikisht.
Perry është ndarë së fundmi nga Orlando Bloom në muajin qershor të vitit 2025, ndërsa Trudeau kishte përfunduar martesën me Sophie Grégoire në vitin 2023 pas 18 vitesh martesë.
Ende nuk ka konfirmim zyrtar nga asnjë prej tyre për statusin e marrëdhënies së tyre.
