Rama: Trashëgimia kulturore, vetëm gjatë qeverisjes sonë, ka njohur vëmendje!
E Martë 2 Qershor 2020, 16:04
Dritare.net
Kryeministri Edi Rama, ndërsa ka ndarë në Facebook, një video Urës shekullore të Shën Prodhomit në Voskopojë, e cila është rikonstruktuar, shkruan se, vetëm gjatë qeverisjes së tij, trashëgimia kulturore ka njohur vëmendje, përkujdesje dhe rimëkëmbje.
“Trashëgimia Kulturore ka njohur gjatë qeverisjes sonë të vetmen periudhë vëmendjeje, përkujdesje, rimëkëmbjeje, në 30 vitet e fundit dhe ky është vetëm një tjetër nga shumë shembujt kuptimplotë të angazhimit tonë për vlerat e vërteta të kësaj trashëgimie, ku nuk ka bërë kurrë pjesë, në asnjë dokument zyrtar të asnjë faze të pasluftës karakatina e shembur pak kohë më parë në kryeqytet...”, shkruan Rama./E.B-dritare.net
