Rama në Prishtinë, takohet me Limajn, Osmanin, Hotin dhe Kurtin
E Hënë 29 Qershor 2020, 18:06
Dritare.net
Kryeministri i vendit, Edi Rama ka shkuar ditën e sotme në Kosovë, për të dëgjuar dhe mësuar më shumë për aktakuzën e ngritur nga Gjykata Speciale ndaj presidentit Hashim Thaçi dhe Kadri Veselit. Rama është takuar fillimisht me kryetarin e Nismës Socialdemokrate, Fatmir Limaj, ku kanë biseduar për zhvillimet aktuale dhe mundësinë e koordinimit të veprimeve që duhet ndërmarrë si spektër politik në Kosovë.
Pas Limajt, u takua me kryetaren e Kuvendit të Kosovës, Vjosa Osmani.
Pas Osmanit, bashkë me ministrin e Jashtëm Gent Cakaj, zhvilloi takim me homologun, Avduallah Hoti.
Ndërsa pak çaste më parë ka shkuar te selia e Lëvizjes Vetëvendosje, ku po zhvillon takim me të parin e kësaj partie, Albin Kurti. Në takim pritet të marrë pjesë edhe anëtari i Kryesisë së VV-së, Glauk Konjufca./K.C/dritare.net
