Rama në Madrid, takohet me juristët dhe gjyqtarët ndërkombëtarë
E Premte 7 Shkurt 2025, 12:12
Dritare.net
Kyeministri Edi Rama është pritur sot nga Mbreti Felipe VI, në Pallatin Mbretëror Zarzuela në Madrid të Spanjës.
Kryeministri mori pjesë në ceremoninë e dhënies së Çmimit Universal Spanjoll “Espanol Universal Award”, një çmim prestigjioz ndërkombëtar që u jepet personave që kanë dhënë kontribut të rëndësishëm në promovimin dhe përmirësimin e kulturës, gjuhës dhe trashëgimisë spanjolle në mbarë botën.
Rama ka ndarë me ndjekësit disa foto nga pritja dhe takimi me anëtarët e bordit të “World Jurist Association”, organizata prestigjioze ndërkombëtare e juristëve, gjyqtarëve, akademikëve dhe profesionistëve të ligjit nga e gjithë bota.
"Madrid - Në mikpritjen e bukur edhe për nder të Shqipërisë, organizuar nga Madhëria e Tij, Mbreti Felipe VI, me anëtarët e bordit të “World Jurist Association”, organizata prestigjioze ndërkombëtare e juristëve, gjyqtarëve, akademikëve dhe profesionistëve të ligjit nga e gjithë bota, në vigjilje të nënshkrimit të marrëveshjes për organizimin e “World Law Congress Albania 2027”, Kongresit Botëror të Ligjit në vitin 2027, i cili do të mbahet në Tiranë e do të sjellë rreth 3 mijë juristë nga gjykatat supreme dhe sistemet gjyqësore të shumë vendeve të botës.", shkruan Rama./K.C/dritare.net
