Rama kritikon mediat për titujt: Çmendet dynjanë, sikur jetoni me bomba poshtë krevatit!
E Mërkurë 8 Janar 2025, 13:01
Dritare.net
Kryeministri Edi Rama sot në konferencën me gazetarët mbi uljen e çmimit të energjisë elektrike ka komentuar gjithashtu edhe titujt e mediave.
“Në këtë epokë të leximit të titujve titujt bëhen të atillë që s’kanë lidhje me përmbajtjen. Shokon filani, hedh bombën fisteku. Çmendet dynjanë. Hedh bombën, shokon, trondit. Thotë njeriu sa vetë janë vrarë. Kur hap del një karagjoz që ka thënë një fjalë të pistë dhe thoni ka hedhur bombën. Shokon, trondit, e bombë po nuk ju dolën 80% e atyre që hidhni ju në youtube hajdeni ta diskutojmë. Ça është ky muhabet, sikur jetoni me bomba poshtë krevatit."- tha Rama / E.P-dritare.net
