Presidenti i Komisionit Europian bisedë me Ramën: Folëm për konferencën e parë ndërqeveritare!
E Premte 30 Tetor 2020, 18:06
Dritare.net
Presidenti i Komisionit Evropian, Charles Michel ka zhvilluar një bisedë telefonike me kryeministrin Edi Rama, ku ka diskutuar për konferencën e parë ndërqeveritare.
Michel shkruan në rrjetet sociale se “Zhvillova një bisedë telefonike me kryeministrin Edi Rama. Presim me padurim konferencën e parë ndërqeveritare që do të mblidhet pas miratimit të kornizës negociuese.
Angazhim i mirëpritur për reformat e BE. Solidariteti i ndërsjellë gjatë pandemisë së COVID19 ka përforcuar më tej marrëdhënien BE-Shqipëri”.
Nga ana tjetër kreu i qeverisë Edi Rama shkruan:
Një bashkëbisedim si gjithnjë miqësor, i hapur, interesant me Presidentin e Këshillit Europian dhe mikun e çmuar, Charles Michel, një mbështetës i pakursyer i integrimit europian të Shqipërisë e të Ballkanit Perëndimor
Folëm për Konferencën e Parë Ndërqeveritare Shqipëri - BE, si hap domethënës në rrugën drejt anëtarësimit pas çeljes së negociatave; Planin Europian të Investimeve në rajonin tonë; ecurinë e Shengenit Rajonal dhe tematikën e konflikteve në zonën e OSBE. / I.M-Dritare.net
