Presidenti i Iranit braktis intervistën në CNN, pasi gazetarja refuzoi të mbante shami!
E Premte 23 Shtator 2022, 08:08
Dritare.net
Presidenti iranian Ebrahim Raisi u tërhoq nga një intervistë e planifikuar prej kohësh me kryesuesen ndërkombëtare të CNN, Christiane Amanpour në Asamblenë e Përgjithshme të Kombeve të Bashkuara në Nju Jork të mërkurën, pasi ajo refuzoi kërkesën e minutës së fundit për të mbajtur një shami në kokë.
Amanpour, e cila është rritur në kryeqytetin iranian Teheran dhe flet rrjedhshëm farsi, tha se ajo mban një shami në kokë ndërsa raportonte në Iran për të respektuar ligjet dhe zakonet lokale, "përndryshe nuk do të mund të vepronte si gazetare". Por ajo tha se nuk do të mbulonte kokën për të kryer një intervistë me një zyrtar iranian jashtë një vendi ku nuk kërkohet.
“Këtu në Nju Jork, apo kudo tjetër jashtë Iranit, nuk më është kërkuar kurrë nga asnjë president iranian dhe unë kam intervistuar secilin prej tyre që nga viti 1995 qoftë brenda apo jashtë Iranit, asnjëherë nuk më është kërkuar të vesh një shami në kokë”, tha ajo për CNN të enjten në mëngjes./CNN/M.T/dritare.net
