Plani i BE në rast lufte. Çanta që duhet të kemi me vete!
E Enjte 27 Mars 2025, 09:09
Dritare.net
The Guardian
BE po nxit qytetarët e saj të përgatiten për 72 orët e para të një krize të mundshme që mund të jetë për përmbytjet, zjarret katastrofike, pandemitë dhe sulmet ushtarake. Komisioni Evropian tha se donte të inkurajonte qytetarët që të merrnin masa për t'u përgatitur për kriza të mundshme. Këto masa përfshijnë grumbullimin e furnizimeve thelbësore si ushqime apo mjete të domosdoshme për 72 orë.
Strategjia u frymëzua pjesërisht nga planet në Gjermani dhe vendet nordike, të cilat kanë shpërndarë fletë me informacione publike dhe kanë krijuar aplikacione që këshillojnë njerëzit se çfarë të bëjnë në rast të një sulmi ushtarak ose një krize tjetër kombëtare, shkruan dritare.net.
“Ne po u themi vendeve anëtare të ndajnë informacione se çfarë u duhet njerëzve për 72 orë”, u tha gazetarëve Hadja Lahbib, komisioneri evropian për përgatitjen dhe menaxhimin e krizave. E pyetur se çfarë duhet të grumbullojnë qytetarët, ajo iu referua një videoje në rrjetet e saj sociale, në të cilën prezanton një çantë urgjence.
Në një kolonë zanore të pianos së jazz-it, Lahbib shfaqet në video duke prezantuar çantën e saj të urgjencës që përfshin dokumentet e identitetit në një qese të papërshkueshme nga uji, ushqim të konservuar, ujë në shishe, shkrepëse, një thikë ushtarake zvicerane, para, letra bixhozi, ilaçe dhe një radio të vogël, shkruan dritare.net.
Komisioni po kërkon gjithashtu që të realizohet një ditë gatishmërie në mbarë Evropën për të rritur ndërgjegjësimin; që tema të vendoset në kurrikulat shkollore; dhe për një "strategji të grumbullimit të rezervave" të BE-së për të siguruar furnizime me lëndë të para, strehimore, gjeneratorë dhe "potencialisht" ushqim dhe ujë./L.F-dritare.net
