Për herë të parë që nga 1995 prokuroria kërkon dënim përjetë për një grua në Shqipëri!
E Hënë 21 Shtator 2020, 17:05
Dritare.net
Prokuroria ka kërkuar për herë të parë që nga 1995 burgim të përjetshëm për një grua.
Bëhet fjalë për Hysnie Hoxhallarin, e cila në 22 janar 2018 vrau në mënyrë barbare bashkëshortin e saj dhe vjehrrën, dhe më pas i dogji ata.
U duk si një vdekje aksidentale, pas një zjarri të rënë në banesë, por gjithçka ndryshoi kur provat çuan në një vrasje gjakftohtë.
Nënë e bir, Olsi dhe Selkie Hoxhallari u qëlluan me sëpatë nga nusja, pasi ata kishin zbuluar një marrëdhënie jashtëmartesore të Hysnies, e më pas ajo i kishte vënë flakën shtëpisë, që gjithçka të ngjajë një aksident fatkeq.
Prokuroria ka kërkuar burg të përjetshëm për të akuzuarën, dhe të dashurin e saj, Kasem Pirjasi i cili ka kërkuar që të shpallet i pafajshëm pasi ai nuk e ka kryer krimin./ I.M-Dritare.net
