OBSH: Koronavirus është armiku shoqëror numër një

 “Koronavirus është armiku shoqëror numër një!",- thotë drejtori i përgjithshëm i Organizatës Botërore të Shëndetit. Dr.Tedros Adhanom Ghebreyesus i ka nxitur vendet e izoluara të marrin masa për gjetjen, izolimin, testimin, trajtimin dhe gjurmimin e rasteve me Covid-19, dhe paralajmëroi ata që enuk bëjnë se mund të përballen me një rishfaqje të virusit, informon dritare.net                                                                                             Dr.Ghebreyesus tha:

"Masat agresive për të gjetur, izoluar, testuar, trajtuar dhe gjurmuar nuk janë vetëm mënyra më e mirë dhe e shpejtë për të dalë nga kufizimet ekstreme sociale dhe ekonomike,  ato janë gjithashtu mënyra më e mirë për t'i parandaluar ato."

Sekretari i Përgjithshëm i Organizatës për Bashkëpunim Ekonomik dhe Zhvillim (OECD), Angel Gurría, ka paralajmëruar se botës do t’i duhen vite për t’u rimëkëmbur nga pandemia dhe tha se tronditja ekonomike ishte tashmë më e madhe se kriza financiare në 2008.