Një person ngjitet në një pallat në ndërtim, kërcënon se do të hidhet nga lartësia!
E Mërkurë 12 Maj 2021, 10:10
Dritare.net
Një person është ngjitur në një pallat në ndërtim dhe kërcënon të hidhet prej aty. Në vendngjarje ndodhet policia e cila u njoftua nga qytetarët kalimtarë mbi situatën e krijuar, po ashtu edhe ambulanca.
"Mësohet se qytetari i cili kërcënon të hidhet nga lartësia, pretendon se nuk i është firmosur një kontratë pune. Forcat policore kanë nisur negociatat me të, për ta bindur të zbresë. "Rreth orës 09:30, Salla operative ka marrë njoftim se në Qendër, tek “Muzeu Kombëtar i Tiranës” shtetasi A. J., po tenton të hidhet nga lartësia e një ndërtese aty në afërsi. Menjeherë në vendngjarje kanë shkuar sherbimet e Policisë të cilit po negociojnë me shtetasin A. J., për zbritjen e tij. Gjithashtu në vendngjarja janë sherbimet e ambulancës dhe zjarrfikses. Grupi hetimor punon për sqarimin e rrethanave të ngjarjes", thuhet në njoftimin e policisë./dritare.net
