Nis puna për ndërtimin e Kampusit të Kolegjit të Europës në Tiranë!
E Premte 29 Nëntor 2024, 12:12
Dritare.net
Kryeministri Edi Rama ka inspektuar sot punimet për ndërtimin e Kampusit të Kolegjit të Evropës në Tiranë. Rama e vlerëson këtë kampus si një hapësirë e madhe që do t’i vihet në shërbim studentëve nga e gjithë Evropa.
“Nis puna për ndërtimin e Kampusit të Kolegjit të Evropës në Tiranë, një simbol i fuqishëm i Shqipërisë si Evropa e Ballkanit.
Kampusi do të integrohet në Qytetin Studenti dhe do të shërbejë si një hapësirë e re, me një arkitekturë moderne dhe mjedise optimale jo vetëm për studentët nga gjithë Evropa që do të jetojnë dhe mësojnë aty, por edhe për komunitetin e madh studentor që do të ketë një stacion të ri aktivitetesh akademike, kulturore e sociale”, shkruan Rama në Facebook./M.K-dritare.net
