Nga rimbursimi në blerje, te fondi për bebet/ LSI prezanton planin ekonomik, ja 5 pikat!
Dritare.net
Lëvizja Socialiste për Integrim ka prezantuar sot planin me 5 pika për ekonominë e vendit tonë, në një kohë kur vetëm 3 muaj na ndajnë nga zgjedhjet e 25 prillit. Më poshtë 5 pikat e programit të LSI-së!
1- Programi i rimbursimit 5% të vlerës së çdo blerje, me përjashtim të shpenzimeve që kryhen në entet publike. Çdo qytetar do t'i kthehet mbrapssh 5% për çdo shpenzim që do të bëjë. 2- Mbështetje për familjet e reja dhe rritje të lindshmërisë. Programi nga "Bebja në bebe" duke krijuar fondin për çdo fëmijë të lindur që do t’i kthehet në momentin që riprodhon vetveten. 1000 USD fond fillestar deri në maturim rreth 25.000 USD. Në momentin që një bebe lind, në emër të tij hapet një fond investimi prej 1000 USD, i cili vendoset në një fond investimesh dhe i kthehet bebes në momentin që ai riprodhon vetveten. Kur ai bëhet prind. Duke patur parasysh se mosha mesatare që ai riprodhohet është llogaritur rreth 25 vjeç. Mund të jete edhe me shume prej interesave të fondit të investimit. 3- 1% Taksa e të ardhmes për arsimin për 200 kompanitë më të mëdhatë. 4- Të masivizojë programin "Mëso dhe Fito", duke rritur numrin e shkollave profesionale dhe gjithashtu duke përmirësuar kurrikulën profesionale të tyre, me parimin e gërshetimit të arsimit profesional me marrjen e dijeve teorike duke mundësuar që gjatë vitit shkollor nxënësit edhe të mësojnë, por edhe të zhvillojnë praktika pune të paguara në të njëjtën kohë. 5- TVSH 0% për prodhimet bujqësore dhe blegtorale Made in Albania; Pajisja me Kartën e Fermerit me zbatimin e së cilës bëhet zbritja automatike e pagesës së TVSH-së për imputet bujqësore, (plehra kimik, fidanë, fara, naftë), për rimbursimet dhe subvencionet./K.C/dritare.net