Nga koncertet tek lojërat, Veliaj fton qytetarët në Festën e Pezës: Më e bukur se kurrë
E Enjte 12 Shtator 2024, 11:11
Dritare.net
Nga koncertet tek lojërat, Veliaj fton qytetarët në Festën e Pezës: Më e bukur se kurrë
Festa e Pezës po afron dhe këtë vit pritet të jetë edhe më e paharrueshme!
Me një program të pasur aktivitetesh, koncertesh, piknikësh, lojërash dhe sportesh për të gjitha moshat, Peza do të shndërrohet në një qendër të vërtetë argëtimi për të gjithë familjen.
Kryebashkiaku Veliaj fton qytetarët që t’i bashkohen festimeve që do të zhvillohen të dielën, më 15 Shtator, ndërsa ceremonia zyrtare do të mbahet të hënën, më 16 Shtator.
“Festa e Pezës po afron, dhe këtë vit pritet të jetë më e bukur se kurrë! Ejani të festojmë dhe nderojmë së bashku me aktivitete të ndryshme, koncert, piknik, lojëra & sporte për të gjitha moshat dhe shumë argëtim për gjithë familjen. Festimet - 15 Shtator, e dielë. Ceremonia zyrtare - 16 shtator, e hënë”, shkruan kryebashkiaku Veliaj./L.F-dritare.net
