Nga Bill Gates te Barack Obama e Jeff Bezos, figurave të njohura amerikane u hakerohen llogaritë Twitter
E Enjte 16 Korrik 2020, 08:08
Dritare.net
Miliarderët Elon Musk, Jeff Bezos dhe Bill Gates janë disa nga figurat më të shquara amerikane që janë shigjetuar nga hakerat në Twitter dhe u përdorën për të siguruar monedha Bitcion.
Llogaritë e zyrtarëve Barack Obama, Joe Biden, Kayne West, gjithashtu janë hakeruar.
Në një postim të Bill Gates thuhej: "Më dërgoni 1000 dollarë, t'ju dërgoj 20000".
Twitter ka bërë një reagim ku tha se ishte një sulm i koordinuar që synon qasje në sistemet dhe mjetet e brendshme.
"Ne e dimë që hakerat e përdorën këtë qasje për të marrë nën kontroll shumë llogari të njohura dhe postojnë në emër të tyre," tha kompania duke shtuar se ka nisur një hetim.
Ndërkohë, Drejtori i Përgjithshëm i Twitter Jack Dorsey ka bërë një reagim në Twitter duke thënë: "Ditë e vështirë për ne. Jemi tmerruar nga kjo që ndodhi"./E.B-dritare.net
