NATO në veri të Kosovës: Po punojmë për zbutjen e situatës!
E Hënë 29 Maj 2023, 15:03
Dritare.net
Misioni i NATO-s në Kosovë ka njoftuar se me stafin e tij po punon në zbutjen e situatës në veri, si dhe se është në kontakt me institucionet e Kosovës dhe me Forcat e Armatosura të Serbisë. Në një komunikatë drejtuar mediave, KFOR-i tha se ka shtuar praninë në komunat veriore të Kosovës “për të siguruar një mjedis të sigurt për lirinë e lëvizjes”.
Disa protestuese serbe kanë ardhur para Komunës së Leposaviqit me pelena në dorë, duke thënë se janë dhuratë për kryetarin e ri të Komunës. Ndërkohë, veturat zyrtare janë qëlluar me vezë./M.T/dritare.net
