Moti i keq/ Drejtoria e Përgjithshme Detare: Nuk lejohet asnjë lundrim në det të hapur
E Shtunë 26 Shtator 2020, 08:08
Dritare.net
Drejtoria e Përgjithshme Detare për shkak të përkeqësimit të motit, ka nxjerrë urdhrin që të pezullohet menjëherë lëvizja e anijeve dhe çdo mjeti tjetër në det të hapur.
‘Drejtoria e Përgjithshme Detare ju njofton se si rezultat i erërave te forta me drejtim jug në datën 25 shtator 2020 deri më 26 shtator 2020 moti do të përkeqësohet, në zonën bregdetare të Adriatikut dhe Jonit. Këto zona do të përfshihen nga era me shpejtësi deri në 33 milje në orë dhe lartësia e dallgës së detit arrin në 2.8-3 m dhe perioda 6s .Vendi ynë do të përfshihet nga era të forta dhe shi në formë rrebeshi me intensitet të lartë.
Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, duhet të marrin të gjitha masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit”, njoftoi Drejtoria e Përgjithshme Detare./ I.M-Dritare.net
