Mjekja ngre alarmin: Po dominojnë moshat e reja, po përballemi me një situatë që se kemi parë kurrë!
E Diel 2 Gusht 2020, 12:12
Dritare.net
Ministrja e Shëndetësisë, Ogerta Manastirliu, publikon në ‘Facebook’ mesazhin e mjekes Migena Qato, e cila iu bën thirrje qytetarëve të respektojnë rregullat kundër koronavirusit.
Mjekja thekson se në spitalet COVID, po domonojnë moshat e reja, ndërsa shton se kjo situatë nuk ishte parë kurrë më parë.
Ministrja shkruan: “Në spitalet COVID vijon beteja e përditshme për jetën, në përballje me një virus të rrezikshëm që nuk bën dallim dhe po prek edhe të rinj, që sot po marrin trajtim në spital. #RespektoRregullat↔️???????? Jep kontributin tënd për të frenuar përhapjen e koronavirusit! #TëNdihmojmëEkipetMjekësore???????? ????#COVID19????”.
“Po përballemi me një pandemi të përmasave, që kurrë më parë nuk ishim përballur. Ditët e fundit kanë qenë jo të lehta për ne, pasi numri i rasteve është shtuar në mënyrë të konsiderueshme dhe jo vetëm kaq. Tani dominojnë për fat të keq edhe mosha të reja, të cilat kanë qenë të paprekura nga sëmundje të tjera më parë. Ndaj apeli shkon që të jemi shumë të kujdesshëm, të ruajmë distancën sociale, sepse tani Covid nuk ka më preference në moshë, nuk po kursen asnjë subjekt të popullatës. Ndaj jeni të kujdesshëm, mbroni veten tuaj dhe të afërmit”, shprehet mjekja./ I.M-Dritare.net
