Çdo pëllëmbë Shqipërie që mbart turizëm, ta tregon ministrja Kumbaro!
E Premte 13 Maj 2022, 20:08
Dritare.net
Ministrja e Turizmit dhe Mjedisit Mirela Kumbaro që në ditët e para të marrjes së detyrës së saj, i bëri të qarta objektivat se nga duhet të niste puna me mjedisin e turizmin, duke shkelur çdo zonë të terrenit, ku ka mjedis, ku ka gjelbërim e ku duhet të shkojë turizmi.
Sot në Tiranë ka qenë në vizitën e tij ministri grek i Mjedisit dhe Energjisë, për të folur rreth politikave të fundit të pasurive natyrore dhe zonave të mbrojtura.
Por, jashtë kësaj vizite zyrtare ministri grek ka vizituar ambientet e Kalasë së Tiranës së bashku me ministren Kumbaro, e cila duket se nuk heziton të tregojë çdo pëllëmbë Shqipërie që mbart histori, turizëm e vlera.
Ditët e fundit Shqipërinë e kanë vizituar ministrat e Turizmit të Kosovës, Maqedonisë e Serbisë, ku duket se po bëhet gati çdo gjë sa i përket menaxhimit të mbetjeve dhe bashkëpunimeve konkrete, në promovimin e potencialeve turistike./M.T/dritare.net
