Ministri i Brendshëm: Zbardhet ngjarja me 4 të vdekur në Dobraç të Shkodrës!
E Premte 13 Dhjetor 2024, 16:04
Dritare.net
Ministri i Brendshëm, Ervin Hoxha tha sot se Policia e Shtetit e ka zbardhur masakrën e Dobraçit në Shkodër, ku humbën jetën katër persona gjatë një atentati, mes tyre edhe dy të pafajshëm, burrë e grua.
Hoxha tha se Policia e Shtetit pritet të ketë së shpejti një deklaratë për media, ku do të japë detajet nga ngjarja e ndodhur dhe personat përgjegjës.
“Kemi pasur raste dhe ngjarje kriminale me pasojë vdekjen. Policia, në bashkëpunim me prokurorinë e SPAK, po heton këto ngjarje. Dje, në Shkodër, u zhvilluan kontrolle, ndalime dhe shoqërime të personave të implikuar në ngjarje të rënda kriminale. Për emrat duhet të presim deklaratat shumë shpejt, edhe për emrat e implikuar në ngjarjen e Dobraçit,” u shpreh ministri.
Hamza Lici, vëllai i Ibrahim Licit dhe Arlind Bushati, djali i ish-kandidatit të PD për kryebashkiak, Xhemal Bushatit mbetën të vrarë gjatë atentatit me armë në Dobraç të shkodrës. Ata ishin në lëvizje në momentin e atentatit dhe përplasën me makinë çiftin e bashkëshortëve Flutura dhe Bashkim Basha, që po udhëtonin me motor, të dy humbën jetën./K.C/dritare.net
