Meta: Të kërkojmë ndihmë nga Italia për terapinë me plazmë hiperimune
E Hënë 10 Gusht 2020, 18:06
Dritare.net
Kreu i Shtetit, Ilir Meta përmes një postimi në facebook ka shkruar lidhur me terapinë me plazmë hiperimune, për pacientët Covid.
Meta thotë se është e rëndësishme që të ecet para me këtë terapi, ndërsa sygjeron që duhet kërkuar ndihmë nga Italia.
Statusi i Metës:
Nisur nga informacionet përgjithësisht pozitive lidhur me terapinë me plazmë hiperimune (konvaleshente) dhe për shkak se aplikimi i saj ka rezultuar mjaft i dobishëm për pacientët me COVID-19, inkurajoj të ecet sa më shpejt me këtë terapi, duke siguruar së pari të gjitha aparaturat që bëjnë të mundur aplikimin e saj.
Në këtë situatë, është shumë e rëndësishme të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli.
Kjo do të mundësonte jo vetëm një aplikim të sukseshëm dhe zbatim strikt dhe shkencor të këtij protokolli, por dhe do evitonte çdo lloj pasaktësie e pasigurie, që mund të verifikohet në praktikë./ I.M-Dritare.net
