Kanë mbërritur pak minuta më parë në Aeroportin “Nënë Tereza” 11,700 doza të tjera të vaksinës Pfizer. Ministrja e Shëndetësisë dhe Mbrojtjes Sociale Ogerta Manastirliu, ka bërë me dije se mbrëmjen e sotme në Shqipëri kanë ardhur 7,020 doza nga kontrata e qeverisë shqiptare me kompaninë Pfizer dhe pjesa tjetër 4,680 nga marrëveshja me Bashkimin Europian.
Rreth 20 mijë vaksinime janë kryer në të gjithë vendin tonë sot. Që prej 11 janarit në vend janë kryer 537.387 vaksinime. Vaksinimi po vijon me ritme të shpejta dhe ndonëse ishte planifikuar që në fund të majit të arrihej 500 mijë të vaksinuar, ky objektiv u arrit që në ditët e para të këtij muaji./l.F-dritare.net
