Libani ngre alarmin për krizë ushqimore, qytetarët kërkojnë që Franca ta marrë nën protektariat për 10 vite!
E Premte 7 Gusht 2020, 12:12
Dritare.net
Në Liban është duke u ngritur seriozisht alarmi për një sfidë ushqimore, në një kohë kur rezervat ushqimore kanë mbaruar dhe nuk ka prurje gruri për shkak të dëmtimit të madh të portit.
"Ka depo më të vogla brenda mullinjve të sektorit privat sepse ata duhet të depozitojnë grurë para se të bëhet miell," i tha Maurice Saade Reuters.
"Për sa i përket depove të grurit shtetërore, kjo ishte e vetmja kryesorem tanimë është shkatërruar".
Shkatërrimi i strukturës së kapacitetit 120,000 tonë dhe nxjerrja jashtë përdorimit e portit, pika kryesore e hyrjes për importin e ushqimit, do të thotë që blerësit do të duhet të mbështeten në lehtësirat më të vogla të pronave private për blerjet e tyre me grurë, duke përkeqësuar shqetësimet për furnizimet ushqimore. Libani, një komb me më shumë se gjashtë milion njerëz, importon pothuajse të gjithë grurin e tij.
Programi Botëror i Ushqimit (WFP) planifikon të importojë miell gruri dhe kokrra për furra buke dhe mullinj për të ndihmuar në mbrojtjen nga mungesat e ushqimit në të gjithë Libanin.
"WFP është e shqetësuar se shpërthimi dhe dëmtimi i portit do të përkeqësojnë një situatë tashmë të rëndë të sigurisë ushqimore - kjo është përkeqësuar për shkak të krizës së thellë financiare të vendit dhe pandemisë COVID-19", tha një zëdhënës në shënimet e përgatitura për një konferencë të KB në Gjenevë, duke shtuar se do të siguronte pako ushqimi për mijëra familje.
"WFP gjithashtu është e gatshme të ofrojë menaxhim të zinxhirit të furnizimit dhe mbështetje logjistike dhe ekspertizë në Liban," tha ajo.
Që nga e Premtja, të paktën 58,000 njerëz kanë nënshkruar një peticion në internet të vendosur nga qytetarë libanezë të mërkurën për të "vendosur Libanin nën një mandat Francez për 10 vitet e ardhshme"
"Zyrtarët e Libanit kanë treguar qartë një paaftësi totale për të siguruar dhe menaxhuar vendin," thuhet në peticion. "Me një sistem të dështuar, korrupsioni, terrorizmi dhe milicia vendi sapo ka arritur në frymën e tij të fundit."
"Ne besojmë se Libani duhet të kthehet nën mandatin Francez në mënyrë që të krijojë një qeverisje të pastër dhe të qëndrueshme."./ I.M-Dritare.net
