Kurti: Koncertet si ky i Vesa Lumës nxjerrin në pah talentin e artistëve tanë!
E Enjte 28 Nëntor 2024, 19:07
Dritare.net
Në 20-vjetorin e karrierës së saj si artiste Vesa Luma mbajti një koncert madhështor në Prishtinë, ku mblodhi shumë fansa të saj e personalitete të shquara nga televizioni dhe politika e jo vetëm.
Kryeministri i Kosovës Albin Kurti i ka kushtuar disa rreshta koncertit të Vesës, ndërsa i shpreh urimet për krijimtarinë muzikore në këto 20 vjet.
Koncertet dhe performancat e gjalla si ai i Vesës, shkruan Kurti, janë sfiduese, por në të njëjtën kohë nxjerrin në pah talentin e artistëve tanë dhe janë të preferuarat e publikut.
“Për 20-vjetorin e karrierës së saj, Vesa Luma me një koncert me bend, mbrëmë riktheu hitet e saj me të njohura ndër vite. Me shumë hijeshi, i këndoi edhe disa nga këngët më të bukura shqipe, të cilat i shkuan shumë për shtat vigjiljes së 28 Nëntorit që e festojmë sot. Koncertet dhe performancat e gjalla si kjo mbrëmë janë sfiduese, por në të njëjtën kohë nxjerrin në pah talentin e artistëve tanë dhe janë të preferuarat e publikut. Urime Vesës për 20 vjet karrierë dhe i uroj sa më shumë krijimtari muzikore në vazhdim.”, shkruan Kurti./K:C/dritare.net
