Kupa e Botës/ Parlamenti i BE, thirrje FIFA-s të kompensojë familjet e emigrantëve që humbën jetën!
E Enjte 24 Nëntor 2022, 18:06
Dritare.net
Parlamenti i Bashkimit Evropian votoi të enjten në favor të një rezolute që i kërkon FIFA-s të ndihmojë në kompensimin e familjeve të punëtorëve migrantë që vdiqën, si dhe punëtorëve që pësuan shkelje të të drejtave gjatë përgatitjeve për Kupën e Botës.
Eurodeputetët u kërkuan gjithashtu autoriteteve të Katarit që të kryejnë një hetim të plotë mbi abuzimet e të drejtave të njeriut në prag të konkursit.
Rezoluta dënon gjithashtu raportet për abuzime të komunitetit LGBTQ+ në Katar dhe i bëri thirrje vendit që të dekriminalizojë marrëdhëniet e të njëjtit seks.
Që kur FIFA i dha Kupën e Botës Katarit në vitin 2010, vendi ka ndryshuar disa nga ligjet e punës dhe, përpara Kupës së Botës, organizatorët thanë vazhdimisht se të gjithë ishin të mirëpritur - megjithëse Human Rights Watch tha se personat LGBT u arrestuan në prag të Kupës së Botës./Reuters/M.K/dritare/net
