Koronavirusi/ Kryeministri i francez: Franca po shkon në rrugën e gabuar
E Martë 11 Gusht 2020, 19:07
Dritare.net
Kryeministri i Francës Jean Castex ka thënë se vendi kishte shkuar "në rrugë të gabuar" për dy javë tani ndërsa rastet e koronavirusit rriten. Afro 10,800 raste të reja janë identifikuar atje javën e kaluar, sipas ministrisë së shëndetësisë.
Autoritetet lokale do t'u thuhet të udhëzojnë qytetarët që të veshin maska në hapësirat publike sa më shumë të jetë e mundur, tha Castex në një konferencë për shtyp të martën. Maska aktualisht është e detyrueshme për transportin publik, hapësirat e mbyllura siç janë dyqanet dhe zyrat qeveritare dhe vendet kryesore turistike të Parisit.
Castex zgjati gjithashtu një ndalim për tubime të më shumë se 5000 njerëzve deri në 30 tetor. Ndalimi fillimisht ishte planifikuar të hiqej në fund të këtij muaji. Në fundjavë rreth 10,000 njerëz u mblodhën për një maratonë të paligjshëm në një rrafshnaltë malore në Lozere në jug të vendit.
Deri më tani Franca ka 202,775 raste me koronavirus, nga këto 30,340 persona kanë humbur jetën, dhe aktualisht vendi ka 89,599 raste aktive me koronavirus./ I.M-Dritare.net
