“Kisha vdekur, nuk e dija”, Anila Jole interpreton në festivalin e Gjergj Lekës, një këngë me mesazhe të forta për kohën ku jetojmë
E Enjte 4 Shtator 2025, 22:10
Dritare.net
Drejtoresha e News24, gazetarja Anila Jole shkëlqeu këtë vit në festivalin e kompozitorit të njohur Gjergj Leka, duke interpretuar një këngë që u prit shumë mirë nga publiku.
Teksti i fuqishëm i Agim Doçit me një dimension reflektues dhe filozofik flet për hipokrizinë, sfidat e shoqërisë dhe marrëdhënien e pastër me Zotin.
Muzika e Gjergj Lekës arriti të balancojë këtë thellësi, duke e bërë këngën të gjallë dhe emocionuese, pa u kthyer në një këngë qaramane apo funebre.
Performanca e Joles, me lëvizje dhe ekspresivitet të pasur, pasqyroi çdo nuancë emocionale të vargjeve, duke krijuar një përjetim të thellë për të dhe për publikun.
Anila falënderoi maestro Lekën për besimin dhe mundësinë që t’i jepte jetë një krijimi kaq të fuqishëm, duke e cilësuar këtë përvojë si një nga momentet më të veçanta artistike të saj.
Në fund, kjo këngë kujton se jeta dhe vetëdija janë më shumë se ekzistencë; janë reflektim, zgjedhje dhe guxim për të përballuar të vërtetat e hidhura, duke gjetur dritën në mes të errësirës së kohës që jetojmë./dritare.net
