Këngëtari, regjizori dhe pedagogu Nikolin Gurakuqi feston 65 vjetorin e lindjes
E Shtunë 25 Korrik 2020, 11:11
Dritare.net
Këngëtari, regjizori, dhe pedagogu, Nikolin Gurakuqi feston sot 65 vjetorin e lindjes.
Regjisori Nikolin Gurakuqi e filloi aktivitetin e tij në Teatrin Kombëtar të Operas dhe Baletit, në vitin 1979, në fillim si korist e më pas si solist, ku realizoi një sërë rolesh të ndryshme. Disa nga rolet e tij janë : Gjergj Arianiti nga opera “Skenderbeu”; Mateo, opera “Paja”; Komandanti, opera “Borana”; Deloja, opera “Nëna e trimave”; Il Marchese, opera “La Traviata”; Don Bartolo, opera “Il barbiere di Siviglia”; Colline, opera “La Boheme”; Ferrando, opera “Il trovatore”; etj. Ka intepretuar role edhe jashtë vendi si: në Francë e Itali. Pas specializimit në Francë në vitin 1992-1993, iu dedikua tërësisht regjisë. Është autor i shumë veprave të vëna në skenën e TKOB, të Universitetit të Arteve, të disa qyteteve të tjera si Durrësi, Shkodra dhe jashtë Shqipërisë si: opera, opereta, spektakle, ndër të cilat mund të përmendim; “Tosca”; “Il signor Bruschino”; “Madama Butterfly” ;Cossi fan’ tutte” “Il barbiere di Siviglia”; “Il Trittico”;“La serva padrona”; “Il maestro di cappella”; “Falstaf”; “Aida”; “Orfeo ed Euridice”; “Il trovatore”; “Manon Lescaut”; “Otello”; “Traviata”; “Flauti magjik”; “Carmen” në Greqi; “Rigoletto” në Itali e plot vepra të tjera. Ka realizuar skenografinë e shumë shfaqjeve operistike si dhe ka bashkëpunuar me shumë artistë të shquar shqiptarë dhe të huaj. Gjithashtu ka shkruar artikuj të ndryshëm në gazeta dhe është autor i disa librave me poezi. Është vlerësuar me Urdhrin “Naim Frashëri i Artë” dhe “Mjeshtër i Madh”/ I.M-Dritare.net
