Këmbëkryq para Kuvendit, Dashnor Sula: U mësuam, s’na bën më përshtypje!
E Enjte 31 Tetor 2024, 10:10
Dritare.net
Deputeti demokrat, Dashnor Sula i ulur këmbëkryq në hyrje të Kuvendit, ka hedhur akuza ndaj qeverisë duke thënë se vetëm vjedhin.
Në lidhje me thirrjen në SPAK të deputetes Elda Hoti, Sula tha se janë mësuar tashmë me thirrjet në Prokurorinë e Posaçme, por shtoi se është krenar sepse nuk shkojnë as për korrupsion e as për vjedhje të fondeve.
Ndër të tjera tha se aksionin e tyre e kanë për Shqipërinë.
“Edhe këtu vjedhin. Jemi të pangopur. Këta gjithë natën mendojnë sesi do vjedhin në mëngjes. 8 milionë e 900 mijë të ngarkuar Bardhit, Nokës, Hotit dhe Nallbatit. Nëse iu ka shpëtuar ndonjë, e kanë futur brenda. Ne u mësuam tani, s’na bën përshtypje. Krenar jemi që nuk shkojmë për korrupsion dhe vjedhje të fondeve publike. Këto janë i vetmi shtet në Evropë që të dënojnë pa ligj, pa kushtetutë dhe pa rregullore. Aksionin po e bëjmë për Shqipërinë”, tha Sula./E.P/dritare.net
