Java e Asamblesë së OKB-së, Rama takohet me ministrin e Jashtëm britanik!
E Martë 19 Shtator 2023, 09:09
Dritare.net
Kryeministri Edi Rama ka postuar këtë të martë foto nga New York.
Rama në ‘Facebook’ në fotot e publikuara, ka treguar takimin me ministrin e Jashtëm britanik, James Cleverly.
Kujtojmë se kryeministri ndodhet në New York në kuadër të Asamblesë së Përgjithshme të Kombeve të bashkuara, ku Rama dhe ministri i ri i jashtëm Igli Hasani do të mbajnë takim të nivelit të lartë.
Ndryshe nga viti i kaluar ku fjalën e mbajti kryeministri Edi Rama, më datë 20 shtator në Asamblenë e Përgjithshme të OKB-së do të mbajë fjalën në emër të Shqipërisë Presidenti Bajram Begaj, i cili u nis nga Shqipëria ditën e djeshme./M.K-dritare.net
