Jam e martuar, por fantazoj seksualisht me femra!

The Guardian

Gazetarja britanike, Annalisa Barbieri çdo javë trajton një problem personal të dërguar nga një lexues në gazetën “The Guardian”.

Historia e radhës është dërguar nga një grua, identiteti i së cilës është i pa zbuluar. Kjo grua e cila edhe pse e martuar me një burrë dhe me fëmijë adoleshentë, ndien pasion erotik me femrat që shikon në televizion.

Histori e plotë:

Unë jam një grua në moshë të mesme e martuar me një burrë dhe kam fëmijë adoleshentë. Martesa ime nuk është e palumtur dhe unë dhe bashkëshorti im kemi shumë të përbashkëta, por marrëdhënies tonë i mungon intimiteti këto ditë. Ne kemi qenë së bashku pak më shumë se 20 vjet.

Përafërsisht gjatë pesë viteve të fundit kam zhvilluar me ndërprerje obsesione romantike me aktoret femra që më shfaqen në televizion. Këto ndjenja intime nxiten gjithmonë kur shikoj një marrëdhënie të të njëjtit seks në ekran, edhe nëse shikoj thjesht një puthje.

Gjithmonë kam menduar se ka të ngjarë të jem të paktën biseksuale, dhe këto pasione ndonjëherë lidhen vetëm me gratë, jo me burrat. Unë kurrë nuk kam qenë në një marrëdhënie të të njëjtit seks, apo kam pasur dashuri me femra në të kaluarën. Këto obsesione intensive që përfshijnë shumë fantazime, më bëjnë të vë në dyshim seksualitetin tim, dhe gjithashtu mund të çojnë në uljen e interesit për jetën time dhe interesat e zakonshme, dhe një humor të ulët, në kufi me depresionin.

Shkova te specialistja e seksit dhe marrëdhënieve e pyeta se si mund ta kuptosh nëse kjo që po ndjej është imagjinatë apo më tërhiqnin vërtet femrat.

Ajo tha: “Si një terapiste seksi, mendoj se ne jemi të gjithë në një spektër: disa njerëz tërhiqen tërësisht nga i njëjti seks, disa krejtësisht nga e kundërta, dhe ne mund të tërhiqemi nga njëri ose tjetri [ose të dyja] në faza të ndryshme të jetës sonë. Ne nuk jemi në kontroll kur fantazojmë, jo vetëm atë që na ndodh, por veprimet e njerëzve të tjerë. Dhe mënyra se si ata na përgjigjen në jetën reale nuk është kështu.”

Terapistja gjithashtu më tha:

Është e qartë se diçka mungon nga martesa juaj. Cilat do qofshin ndjenjat tuaja reale, ju duhet të flisni me burrin tuaj, pas 20 vjetësh është e vështirë të mbash marrëdhënien aq të ndezur sa në fillim.

Terapistja tha se koha kryesore për divorc ishte tre deri në katër vjet pas martesës, ose 20 deri në 24 vjet pas, shpesh që përkonte me daljen në pension dhe çiftet që shikonin njëri-tjetrin dhe mendonin: "Po tani?"

Ju të dy do të përfitonit patjetër nga disa terapi në çifte , por mund të dëshironi edhe diku ku mund të flisni vetë.

Ndërkohë, nuk do t'ju jap këshilla për daljen në takime apo ndezjen e qirinjve dhe masazhet e njëri-tjetrit. Por një gjë që mund të funksionojë me të vërtetë në rindërtimin e intimitetit është marrja e një interesi të ri, të përbashkët: një hobi ose sport, mundësisht diçka aktive, diçka ku mund të flisni ose të mos flisni me njëri-tjetrin. Ku mund ta shihni njëri-tjetrin në një interes tjetër dhe të bëni diçka së bashku jashtë shtëpisë./dritare.net