Ja kush është djali që aksidentoi të renë!
E Enjte 10 Qershor 2021, 23:11
Dritare.net
Zbulohet identiteti i plotë i të riut që aksidentoi sot një vajzë teksa ecte në trotuar. Ngjarja e rëndë ndodhi rreth orës 19:15, në rrugën “Xhanfizo Keko”, në zonën e Porcelanit. Sipas informacioneve, 19-vjeçari që drejtonte mjetin tip "Benz" është Jehon Breçani, djali i Erzen Breçanit, ish-drejtues i lartë policie.
I riu teksa po drejtonte mjet “Benz” ka dalë nga rruga duke përfunduar në trotuar dhe për pasojë përplasi të renë me inicialet Xh.G. Kjo e fundit përfundoi në spitalin e Traumës ku edhe i është amputuar njëra këmbë. Në rrjetin social "Facebook" 19-vjeçari shihet se ka postuar foto me makina luksoze si dhe video duke i dhënë makinës./dritare.net
