Sulmi në sinagogë në Jerusalem, arrestohen 42 persona!
E Shtunë 28 Janar 2023, 11:11
Dritare.net
Policia izraelite ka arrestuar 42 persona në lidhje me të shtënat vdekjeprurëse në një sinagogë në Jerusalemin Lindor të premten.
Shtatë persona u vranë dhe të paktën tre të tjerë u plagosën, në sulmin më vdekjeprurës të këtij lloji në vite.
Incidenti ndodhi në lagjen Neve Yaakov të qytetit rreth orës 20:15 me orën lokale (18:15 GMT).
Policia tha se dy persona u plagosën të shtunën në një "sulm terrorist" të veçantë jashtë qytetit të vjetër.
Sulmuesit e së premtes dhe të së shtunës janë "neutralizuar", tha policia.
Mediat lokale e identifikuan njeriun që sulmoi sinagogën si një palestinez nga Jeruzalemi Lindor, të cilin policia e përshkroi si "terrorist".
Duke folur në skenën e sulmit, komisioneri i policisë izraelite Kobi Shabtai e quajti atë "një nga sulmet më të këqija që kemi hasur në vitet e fundit".
Adhuruesit izraelitë ishin mbledhur për lutje në fillim të Shabatit hebre në një sinagogë në vendbanimin hebre dhe po largoheshin kur personi i armatosur hapi zjarr. Policia thotë se më pas oficerët e kanë qëlluar për vdekje.
Ekipet e mjekësisë ligjore po hetojnë një makinë të bardhë që duket se drejtohej nga personi i armatosur.
Grupet militante palestineze vlerësuan sulmin, por nuk thanë se një nga anëtarët e tyre ishte përgjegjës./BBC/M.T/dritare.net
