Hapen aplikimet për lotarinë amerikane, çfarë duhet të keni parasysh!
E Mërkurë 2 Tetor 2024, 16:04
Dritare.net
Sot janë hapur aplikimet për lotarinë amerikane DV-2026, duke i lënë të gjithë qytetarëve që duan të aplikojnë një afat prej një muaji.
Periudha e regjistrimit e cila bëhet online, përfundon në datën 5 nëntor 2024, po në 12:00 të drekës.
Për t’u kualifikuar ka disa rregulla bazë dhe shumë strikte që duhet të respektohen nga të gjithë, si përshembull dorëzimi i më shumë se një aplikimi për një person e skualifikon atë menjëherë.
" Regjistrimi për Programin e Lotarisë Amerikane (DV-2026) hapet sot (më 2 tetor) dhe do mbyllet të martën, më 5 nëntor, 2024. Për më shumë informacion, klikoni: https://bit.ly/3PKA61Y
Ju lutemi, vini re: dvprogram.state.gov është mënyra E VETME për të dorëzuar aplikimin tuaj. Sigurohuni të lexoni udhëzimet e programit dhe udhëzuesin për mashtrimet në: travel.state.gov/dv.
Mos harroni: Të kesh mbaruar shkollën e mesme ose ekuivalentin e saj është një kërkesë e padiskutueshme kualifikimi.", thuhet në njoftimin e Ambasadës Amerikane./K.C/dritare.net
