Grammy Awards 2025. Më në fund, Beyonce fiton çmimin për albumin më të mirë!
E Hënë 3 Shkurt 2025, 08:08
Dritare.net
Beyonce fitoi (më në fund) çmimin për albumin më të mirë në 67th Grammy Awards në Los Angeles. Cowboy Carter është albumi i tetë i këngëtares e cila cilësohet si ndër më të mirat e botës. Sapo u lexua emri i saj Beyonce përqafoi vajzën e saj Blue Ivy, më pas bashkëshortin e saj Jay-Z, përpara se të shkonte në skenë për të marrë trofeun.
“Tani ndjehem e plotësuar. Kanë kaluar shumë e shumë vite, e më në fund erdhi dita e këtij çmimi. Jam e nderuar”, tha Beyonce.
Këngëtarja ia kushtoi çmimin e saj Linda Martell, një nga pionieret për muzikantët me ngjyrë në muzikën country dhe gruaja e parë me ngjyrë që performoi solo në Grand Ole Opry (Ms Martell shfaqet në disa nga këngët e albumit Cowboy Carter).
Fitorja e yllit vjen 25 vjet pas nominimit të saj të parë për Grammy, si pjesë e grupit R&B Destiny's Child. Beyonce është ndër artistet më të vlerësuara në historinë e Grammys, me 35 trofe.
Por u desh që të ndryshonte zhanrin e muzikës për të fituar trofeun e madh. Ky çmim e bën Beyoncé gruan e parë me ngjyrë që fiton albumin e vitit që nga viti 1999, kur titullin e mori albumi i Lauryn Hill, The Miseducation of Lauryn Hill./L.F-dritare.net
