Gogu i përgjigjet Salianjit: Spektakël bëhet në Big Brother! Në Parlament zbatohet ligji
E Martë 2 Prill 2024, 17:05
Dritare.net
Kryetari i komisionit hetimor parlamentar për rrjedhjen e të dhënave nga sistemi TIMS, Ervin Salianji tha se në TIMS është bërë një ndërhyrje që i shërben grupeve kriminale, duke shtuar se dëshmitarët do t’i gjejnë dhe ata nuk do t’i shpëtojnë dot përgjegjësisë. Kësaj deklarate iu përgjigj edhe nënkryetari i Komisionit, socialisti Toni Gogu, duke i thënë se spektakël bëhet në Big Brother dhe se Parlament zbatohet ligji.
“Sesi gushti i 2023 lidhet me humbjen tuaj spektakolare, dhe këtu e vetmja gjë spektakolare është humbja juaj dhe gjithë çfarë ka ndodhur më pas… Po ndryshe nga ju unë nuk vë gishtin, por them po të thërrasim dëshmitarë për të kuptuar 2 gushtin. Ne nuk jemi këtu për të bërë spektakël, spektakël bëhet në ‘Big Brother’, në Parlament zbatohet ligji deri sa ne të mërzitemi.”, tha Gogu./K.C/dritare.net
