Xhesika Maçi: Dritare.net, një dritare për vullnetarizëm!
E Mërkurë 2 Dhjetor 2020, 19:07
Dritare.net
Gazetarja e Dritare.net, Xhesika Maçi ishte e ftuar sot në emisionin “Abc e pasdites” së Ermal Peçit. Drejtuesja e “Sot me Xhesin” foli gjatë për vullnetarizmin dhe u shpreh që gjatë emisionit në dritare.net i shkruajnë shumë të rinj që duan të japin ndihma në mënyrë vullnetare.
“Në live-t e dritare.net shoh që shumë të rinj shprehen të gatshëm dhe vullnetare të ofrojnë shërbimin e tyre qoftë si praktikantë në sisteme shëndetësore apo arsimore në këtë situatë pandemie, apo edhe atë të tërmetit. Po nga emisioni i dritares kam vënë re mungesën e një ndihme të vërtetë që për mua është thelbësore, ajo e psikologëve nëse do të sugjeroja një fokus të veçantë do të ishte jo e psikologëve, që të flisnin me fëmijët. Kam folur me grupe të ndryshme në "Sot me Xhesin", në dritare.net ku thonë se ka mungesë të këshillimeve psikologjike në këto situata.
Duhet të krijohet një strukturë e cila është e besueshme për të rinjtë që na shkruajnë në emision se duan të kontribuojnë. Mendoj se këtu duhet të mëshohet më shumë, të ushqejmë këtë institucion e organizëm të vogël që po krijohet. Ta ushqejmë me besueshmëri. E dyta do të ishte ndërgjegjësimi mediatik. Media duhet të japë mesazhe ndërgjegjësuese.”- tha gazetarja./K.C/dritare.net
