Gazetari rrëfen detajet: ID dhe numrat e telefonit i ka patur PD që në 2009!
E Martë 20 Prill 2021, 12:12
Dritare.net
Gazetari Elvi Fundo i cili ka qenë pranë PD-së për një kohë të gjatë, ka reaguar në "Facebook" sa i përket një tabele me të dhëna që është publikuar në media e ku PD-ja dhe Ilir Meta ka kanë akuzuar e-Albania për nxjerrje të dhënash private.
Në fakt, Fundo shprehet se këto të dhëna si ID, numër telefoni etj, i ka patur PD-ja që në vitin 2009. Sipas tij, numrat e telefonit ishin sipas ID (kartes se identitetit) dhe pasi bëhej raportimi se kush kishte votuar e kush jo, shkonin patronazhistët dhe i nxirrnin të votonin.
Gazetari Fundo që ka qenë shumë pranë PD-së, thekson disi me ironi se në disa QV jo vetëm që u kishin të dhënat por u dinin edhe numrin e këmbës. Ai shkruan se këto të dhëna mesa duket ishin marrë nga kompania ALEAT që prodhon ID. Më poshte reagimi i plotë:
