Çfarë duhet të dini, nëse do të regjistroni mjetet për herë të parë!
E Hënë 24 Janar 2022, 08:08
Dritare.net
Kryeministri Edi Rama njofton se janë lehtësuar një sërë kushtesh për mjetet rrugore që regjistrohen për herë të parë!
“Me lajmin e mirë se duke nisur nga sot eliminojmë të tjera angari, kohë pritjeje e kosto të tepërta për qytetarët e subjektet që regjistrojnë mjete rrugore për herë të parë, ju uroj një javë të mbarë!
Eliminojmë angari, kohë pritjeje e kosto të tepërta për regjistrimin e mjeteve rrugore për herë të parë. Heqim 60 mijë praktika në vit që kërkonin përkthime e noterizime e njehsime me origjinalin nga dokumentet me gjuhë të huaj. I kursejmë qytetarëve 300.000.000 lekë në vit. Nga 24 janar 2022 DPSHTRR njeh:
Dokumentet e origjinës dhe dokumentet teknike në gjuhën angleze!
Dokumentet teknike nga prodhuesi nga vendet e BE ose sipas formatit të kodeve të Direktivave të KE.
Të dhënat e fitimit të pronësisë sipas deklaratës doganore”, thuhet në njoftimin e kryeministrit Rama./L.F-dritare.net
