Bashkia Durrës ka shpallur evakuim të menjëhershëm për banorët e Njësisë Administrative Sukth dhe Katund i Ri, pas situatës kritike të krijuar nga përmbytjet dhe rrezikut të drejtpërdrejtë për jetën dhe shëndetin e qytetarëve.
Evakuimi do të kryhet në koordinim me Agjencinë Kombëtare të Mbrojtjes Civile (AKMC), Prefektin e Qarkut, strukturat e emergjencave civile në bashki, si dhe me mbështetjen e Forcave të Armatosura dhe Shërbimit të Mbrojtjes nga Zjarri dhe Shpëtimi (MZSH).
Prioritet në procesin e evakuimit do të kenë:
Fëmijët
Të moshuarit
Personat me aftësi të kufizuara
Familjet në zona të izoluara
Transporti do të sigurohet nga mjetet e Bashkisë, MZSH dhe Forcat e Armatosura, ndërsa menaxhimi i strehimit të të evakuuarve do të realizohet nga Bashkia në bashkëpunim me Policinë e Shtetit, njësitë shëndetësore dhe strukturat sociale.
Banorët do të regjistrohen në momentin e mbërritjes në ambientet e strehimit, dhe do të marrin ndihmë për nevojat bazë, përfshirë ushqimin, veshmbathjen dhe ndihmën mjekësore. Informacioni periodik për situatën do të ofrohet nga autoritetet përkatëse.
LAJMËRIM ZYRTAR PËR EVAKUIM TË MENJËHERSHËM
Në zbatim të:
• Ligjit nr. 45/2019, “Për Mbrojtjen Civile”
• Planit Kombëtar të Emergjencave Civile
• Planeve Vendore të Emergjencave Civile,
si pasojë e situatës së krijuar nga përmbytjet dhe rrezikut të menjëhershëm për jetën dhe shëndetin e qytetarëve, do të kryhet evakuimi i menjëhershëm i banorëve të:
Bashkisë *DURRËS*,
Njësisë Administrative *Sukth dhe Katund i Ri.*
Evakuimi do të realizohet përmes koordinimit me:
• Agjencinë Kombëtare të Mbrojtjes Civile (AKMC)
• Prefektin e Qarkut përkatës
• Strukturat e Emergjencave Civile në bashki
Sipas legjislacionit në fuqi, Kryetari i Bashkisë është autoriteti përgjegjës për urdhërimin e evakuimit në territorin e bashkisë.
Në çdo rast, komunikimi dhe kërkesat për ndihmë duhet t’u drejtohen autoriteteve publike në terren.
Prioritet në procesin e evakuimit kanë:
• Fëmijët
• Të moshuarit
• Personat me aftësi të kufizuara
• Familjet në zona të izoluara
Transporti për evakuimin e banorëve do të sigurohet nga:
• Mjetet e Bashkisë
• Shërbimi i Mbrojtjes nga Zjarri dhe Shpëtimi (MZSH)
• Forcat e Armatosura
MENAXHIMI I STREHIMIT TË TË EVAKUARVE
Menaxhimi i strehimit dhe asistencës për qytetarët e evakuuar do të realizohet nga Bashkia, në bashkëpunim me:
• Policinë e Shtetit
• Njësitë e kujdesit shëndetësor
• Strukturat e shërbimeve sociale, sipas nevojës
Në kuadër të këtij procesi do të sigurohet:
• Regjistrimi i të evakuuarve, në momentin e mbërritjes në ambientet e strehimit të përkohshëm
• Administrimi i nevojave bazë, përfshirë ushqimin, veshmbathjen dhe ndihmën mjekësore
• Ofrimi i informacionit periodik për statusin e situatës dhe masat në vijim
Ky njoftim ka karakter urgjent dhe hyn në fuqi menjëherë.
Për çdo situatë emergjente, qytetarët të kontaktojnë numrin e emergjencave.
