Eurozona zhytet në një recension të frikshëm
E Shtunë 1 Gusht 2020, 09:09
Dritare.net
Pandemia e koronavirusit ka ndikuar edhe në ekonomitë e vendeve që janë goditur më fort.
Eurozona, ka raportuar një ulje të frikshme të ekonomisë, gjë e cila nuk kishte ndodhur që nga Depresioni i Madh.
Spanja është zhytur në recesionin e saj më të thellë në kohët moderne nga pandemia e koronavirusit.
Ekonomia e saj u tkurr me 18.5% në periudhën prill-qershor, duke rënë tashmë me 5.2% në tre muajt e parë të vitit.
Vendi ishte performuesi më i keq në eurozonë, i cili pësoi rënie të përgjithshme të PBB-së së tij me një rekord 12.1%.
Ekonomia e Francës gjithashtu është goditur keq, me PBB-në atje duke rënë me 13.8% në tremujorin e dytë.
Agjensia franceze e statistikave tha se pika e ulët kishte ardhur në prill, me një rimëkëmbje graduale në maj dhe qershor pasi kufizimet e bllokimit u lehtësuan, por aktiviteti ekonomik ishte akoma nën nivelin normal.
Italia, e cila ishte ndër vendet e para evropiane që u godit nga pandemia, ka raportuar një rënie të ngjashme, me ekonominë me tkurrje me 12.4%. Sidoqoftë, rënia ishte më pak e pjerrët sesa pritej.
Në të gjithë BE, tkurrja ekonomike ishte 11,9%.
Agjensia zyrtare Eurostat tha se rëniet ishin më të mëdha që kur filluan regjistrimin e shifrave në 1995.
Gjermania raportoi rënien e saj më të thellë tremujore në rekord, pasi prodhimi i përgjithshëm i mallrave dhe shërbimeve ra me 10.1%./ I.M-Dritare.net
